‘n Opiniestuk

Ek voel naar. Dit is mos wat gebeur as jy iemand anders se braaksel sien, wanneer hulle binnegoed in die publiek ingegooi word.

Dis nou al jare wat ek ‘n sekere nuusverskaffer in die land boikot. Soms voel ek oningelig as mense van die rubrieke en stories praat, maar ek voel dis ‘n klein prys om te betaal. Sien, ek is lankal moeg vir voorbladstories oor ouers wat per ongeluk oor hul kinders ry, mense wat per ongeluk stoute foto’s lek, of mense wat die kat in die donker knyp. Ek is moeg vir die lui, sensasionele vergryp na mense se privaatlewens in die naam van nuus. En ek is moeg daarvoor om dié stories vir ‘n bladsy en ‘n half te moet lees terwyl daar stories oor geslagsgeweld, armoede, korrupsie, ESKOM, SAL, of selfs wiskunde matriekeksamens is.

Vertel my, jy wat jou ink op hierdie stories mors: is die sielkundige effek van jou stories op beide betrokke partye en lesers die verkope werd? Het jou glashuis shatterproof vensters? Dink jy ooit aan die kinders wat seerkry omdat jy skynbaar hierdie storie moet vertel?

Veronderstel jy is reg en dat die storie wel vertel moet word (alhoewel ek dit sterk betwyfel). Is dit dan regtig nodig om mense se diepste binnegoed te gaan uithaal? Ek skryf die afgelope 2 weke mense se stories neer en ek het geleer dat ek die waarheid kan praat en subtiel en respekvol daarmee te werk kan gaan. Watter verskil maak dit aan jou lesers wat die detail is, buiten vir opstook of ontstel? Is dit nie genoeg om die basiese feite te vertel nie? Of gaan dit nie jou koerant se bladsy volmaak nie?

Ek sal saamstem dat die partye verkeerd is. Ek sal saamstem dat geregtigheid moet geskied. Maar is jou storie geregtigheid? Of gulsigheid?

So nee. Ek sal maar nog ‘n ruk lank oningelig bly, wetende dat dit maar genade is dat ek is waar ek is in die lewe. En ek sal lief hê vir hulle wat nie liefhet nie.

One thought on “‘n Opiniestuk

  1. Pragtige stuk met waar woorde. Hoe staan ek eendag voor GOD as ek Sy Skepping heeldag afbreek. Ja, skryf d STORIE, maar loos d res!! Dankie Marileen

    Liked by 1 person

Leave a Reply to Lizette Van der Merwe Cancel reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: